تارت البسكويت

المقادير

علبة كريم كارامل
4باكو بسكوت سادة بسكوت شاى اى نوع تحبية
2كيس كريم شانتية دريم
لبن
كاكاو
كوب ماء


الطريقة

اول حاجةتدوبى معلقتين سكر كبار فى اللبن وعلى النار عدل لحد ما يغلى وتحطى العلبتين كريم كراميل تفضلى تقلبى لحد ما يتقل ..كلنا طبعا عارفين طريقة اعداد الكريم كراميل لما يتقل كدة اطفى علية
ثانيا تكونى مجهزة الطبق المسطح اللى هتعملى فية التارت دة ويفضل يكون بايركس
تاخدة معلقة كريم كراميل وتفريدها علىالصينية البايركس دى
تكونى عاملةكوب ماء+2معلقة كاكاو فى طبق او اى حاجة غويطة شوية وتقلبيهم كويس وتنزلى فيها البسكوت واحدة واحدة متخليهوش يبوش فى الكاكاو مجرد يتبل وبعدين ابدئى رصية بانتظام

وبعدين تاخدى الطبقة التانية كريم كراميل

وكمان طبقة بسكوت

نيجى بقة مع اخر طبقة
ونحط الكريم شانتية
وطريقة اعداد الكريم شانتية زى ما مكتوب علية
لبن مثلج يعنى بارد اوى+2باكو كريم شانتى
وعلى الخلاط على طول
هتطلعلك كريمة حلوة وناعمة
على فكرة متنسيش تحلى اللبن بسكر بسيط
وممكن تستبدلى اللبن بماء بارد جدا ودة مكتوب على العبوة من برة