شكشوكة اسكندرانى

بنات انا جايبلكم انهاردة طريقة الشكشوكة الاسكندرانى



نبدا بالمقادير

بيض حسب الكمية اللى محتجاها

عصير طماطم

بصل مبشور

بقدونس مفروم

ملح وفلفل اسود

حمص طبخ

شوية زيت

ندخل بقة على الطريقة :

الاول نشوح البصلة فى الزيت لحد ما يبقى لونها دهبى

وبعدين نضيف عليها عصير الطماطم

وبعدين نضيف عليهم الحمص الطبخ

ونضيف الملح والفلفل

ونصيبهم لحد ما تتسبك الطماطم ويستوى الحمص

وبعدين نضيف البقدونس

وبعدين نجيب البيض ونكسرة واحدة واحدة جنب بعضة بدون تقليب

مينفعش يتقلب عشان لو اتقلب هيبقى اومليت مش شكشوكة ههههههههههه

وبعدين نسيبه حوالى عشر دقايق لحد ما البيض يستوى

هتلاقى البيض الواحدة بوحدتها كانة مسلوق

ودوقى وقوليلى رايك اية وبالهنا والشفا