أفضل طريقه لإزالة الرؤوس السودا وجميع الشوائب اللي في البشره وعن تجربه

بصوا بقى
وانا بتصفح المنتدى لقيت واحدة هنا ربنا يجازيها خير بس بصراحه مش فاكره اسمها
كاتبه وصفه لإزالة الروؤوس السودا وكل الشوائب اللي في بشرتك
قلت وماله نجرب احنا ورانا ايييييييييييه
جربتها وبصراحه عايزه اقولكم حسيت اد اييييييييييييه ان وشي نظف جدا جدا جدا
مش متخيله بجد ومن نظافته حسيت انه بقى ابيض لانه بيشيل الخلايا الميته
والرؤووووس السودا انسيهاااااااااااااااا
هقولكم بقى ايييييييييييييه هيا الوصفه دي



بصوا بقى
انتوا تروحوا العطار وتقوليله عايزه بجنيه (جيـــلاتـــيـــــن)
وهتروحي البيت بقى تعملي ايه
تسخني شوية لبــــن
وتحطي معلقه صغيره من الجيلاتين او على حسب استخدامك وتعجنيه بشويه لبن سخن
لحد مايبقى زي العجينه كدا
بس خدوا بالكم لازم تحطوا الماسك على وشك على طول عشان لو قعد فتره بيتماسك وبيبقى صعب انك تحطيه لانه لزج
ولازم تستني لحد مالماسك ينشف خاااااااااااااالص
هيبقى عامل زي القناع كدا
نسيييييييييت اقولكم اوعوا تجيبوا الماسك على حواجبكم او روموشكم
لانه ممكن يشيل الشعر معاااااه هههههههه انا بحذركم
وانتي بتشيليه بقى هتلاقي كل الشوائب اللي في وشك طلعت مع القناع ده
ولازم بعدها تحطي تلج على وشك او ميه ساقعه عشان تقفل المسام لان المسام بتبقى مفتوحه ونظيفه
فا لاززززززم نقفلها
بجد مااااااسك تحففففففففففه
انا جربته وقلت لازم أقولك على النتيجه
اااااااااااه نسيت الللي عندها حبوب في وشها او بشرتها حساسه بلاش تحطه
وممكن تكتفي بانها تحطه على منخيرها

يلا بقى جربوا يافتوكات وادعوا لصاحبة الموضوع وادعولي بالتوفيق يارب
وادعولي ان ربنا يحققلي كل حاجه بتمناها وانه ينصرني على من ظلمني